افتح قلبك .. احلى اسئلة .. ؟

السلام عليكم ورحمة الله وبركاتة
منورين جميعا
أولا :-المره دى موضوع النقاش وكمان موضوعنا مختلف تمــــــــامــــــــا
ا عن نفسى بحب الموضوع ده جدا جدا
بصوا بقى الموضوع عبـــاره عن ان كل اللى يدخل الموضوع لازم يرد على سؤال اللى قبلوا وكمان يسأل سؤال للى بعدوا ولما نشوف الاسئله بس اهم حاجه ان الكل يرد محدش يهرب من حاجه وكل اللى يدخل على الموضوع لازم يرد مش يطلع ويسيبوا من الموضوع ويرد بكل صراحه لان احنا مش محتاجين نكدب على بعض احنا كلنا اخوات اكيد
وســـؤالى :
هل تتوقع أن يعود الحب الصافى الصادق مرة أخرى كما كان؟
يلا مين هيرد ع سؤالى ويدينا سؤال مميز
دمتم بود

موضوع فوق الممتاز عشان هيخلينا نتكلم مع بعض اكتر ميرسى لاحلى مشمشه وانا عن رايى الحب الصادق موجود اصلا بس فى ناس بتستخدم اسم الحب وهى متعرفش يعنى ايه حب .............. وسؤالى هل لو صادفك الحب الصادق بس كان مستحيل من نظره الناس والظروف هل تتمسك به او تسيبه يضيع منك ؟؟؟

مشمشة عجباني اوي مواضيعك وبتشدني جدا اني اسيب ليها رد

لا هتنازل عن حبي الصادق
مش جوايا استعداد اني اقف قدام التيار
هتنازل ........ يمكن يكون ضعف بس هبعد عن اي حاجة تبكيني

بتصدق/ي الناس بسرع؟؟؟؟ ولا بتخاف/ي؟؟؟؟

بصدقهم فى الاول بس لو لقيتهم مايستحقوش الثقه دى استحاله امن لهيم تانى



السؤال لو انتى بنت ممكن تصارحى الى بتحبيه بحبك ليه ولو انت ولد هيكون رد فعلك ايه لو كنت بتحبها بجد



شكرا ليكى مشمشه

لا طبعا مش اقدر اصارحه بحبي ليه

انت ممكن تكره اللي بتحبه في يوم من الايام من كتر اللي عمله فيك؟

ميرسى طبعا لكل اللى شاركوا فى الموضوع ميرا وساد وديوار وسولا منورين والله

لا مبعرفش اكره ابدا مهما حصل ممكن ابعد او انسى انما اكره مستحيل


ممكن تتاسف او تتاسفى لحد لو حسيت او حسيتى بغلطك؟

طبعا لو حسيت بغلطى لاتاسف لان كلمة اسف مش بتهنى بالعكس دى بتزود احترام الناس ليه




لو ليكي صاحبه بتحب واحد حب جنون وانتى عرفتى ان هو يبحبك انتى هتقوللها ولا هتملى ايه وطبعا الولد ده مقلش لصحبتك حاجه



وطبعا لو الى دخل بعدى ولد يبقى العكس

انا عن نفسى مش هقولها علشان مش اجرحها وكمان ممكن تاخد منى موقف لكن هحاول المحلها انه بيحب حد تانى او اخليها تقرب منه ممكن تلفت نظره ويعجب بيها ........لو فى حد بيحبك وانت مش بتحبه ممكن تصارحه انك مش بتحبه او هتتعامل معاه ازاى???

انا عن نفسى هقول الصارحه لانى مبحبش اضحك على حد او العب بمشاعر حد مهما كان بس هحاول اقولها بطريقه كويسه بحيث انى مجرحش حد بكلامى


ايه اكتر حاجه ممكن تستفزك وتعصبك؟؟؟